يوميــــات مهييس

< الحـــلقـــة الاولـــى >


فى يوم م ذوات الايام صحيت ع صوت صوات وعياط وتف ونــف

ببص لقيت ام تتح بتعيط وبتقولى الحــق صحبك <شوكــت> عمل حادثه

ونقلوه مستشفى الكلب اللى ع الناصيه

انا لبست بيجامتى المقلمة ابيض ف اسود بالطول

ولبســـت نضاره الشمس القرمزيه المزركشه بتاعتى

طبعا كل دة بعد ما اخدت شور ورشيت البرفان المفضـــل ليـــا < ست ستات >

واتفرجــت ع حلقة < الكبيـــر اوى > وانا عمال اعيط واقول يا حبيبى يا شوكـــت

مكنش اتمونك يا غاااااااااااااااالى

ولبست شبشبى الزنوبه وركبت عجلتى وطيران ع المستشفى

دخـــلت المستشفى لقيا صاروخ ارض جـــو واقف ف الريسبشن

اول ما شوفتها حواجبى اترفعت ومناخيــرى نزلت سائل لزج والريــالة جريت ع شفايفى

رحــت رايحلها وقولتلها بـــــســـــت

لقيتهــا بتبص تحت قولتلها لا لا انا اهو

قالتلى : نعـــم تؤمـــرنى بخدمة

وهى بتتكلم كنت انا سرحان ف عالم تانى خالص

< حلمت بارض خضره وانا بجرى من يمين الشاشة
وهى بتجرى م شمـــال الشاشة وبتقولى ولـــــــــيـــــــــــــد
وانا بقولــهــا ........ بقولها بقولهـــا ايه >

قمت ع طول سألها عن اسمــهــا

قولتلها ^ وانا ف حالة تسبيل مستعصيه ^ : ممكن اعرف اسمـــك يا ........ ياقمـــر ^ مع غمزه بعينى اليمين ^

ويـــارتنى ما كنت قولت اسمك ولا فتحت بوقى لانى شوفت تكملة

فيـــلم < الواتـــيـــة > بتاع الفنانه المعفنه < نعيمه مسخــره >

قــالــتلى ^ وهيــا رافعه ايديــهــا وتنياهم للداخــل مع تبيين الغوايــش ^ :
اسمك ايه ... ايه يا عمر انتـــا فاكـــرنــى من ايـــاهم < وانا كان نفسى اتعرف ع اياهم دول >

فوق يا حماده وشوف انتا بتكلم مين < يعنـــى حتطلع مين المعفنه دى >

دة انا سميحه فاهم يا معفن يا ايحة .

وابتـــدت فى اسطوانة بيتهيقلى انها كانت 45 جيجا وكانت كلها شتايم وردح
بس احســن حاجة انى مش سمعتها قبل كدة فكانت تعتبر اكسكلوسيـــف ليــا انا
لوحدى يعـــنــى عــرض خاص لحين نفاذ الكمية

طبعا انا بعد الكلام دون بقيـــت ف نــص بيجامتــى
فرحت منزل حواجبى تــانى ^ اللى كانت مرفوعة ^
وطلعت منديل ومســحــت السايل اللى نازل م منــاخيرى
والريالة اللى كانت ع بوقى شفتها عشان ريئى كان ناشــف

قولتلها ^ بكل برود ^ : افهـــم م كـلام حضرتك ان اسمـــك <سميحة>

ولــسة كانت حتكمل اسطوانة الردح بس انا مســكــت بوقـــهـــا وقولتلها والله مانتى مكمله

حسألك سؤال واحد بـــس
الاســـتــاذ < شوكـــت > ف اوضه كام ؟

بعد ما شلت ايدى م ع بوقها ولقيــت سائل لزج كدة ^ ع ما اظن تفت ف ايدى ^

قــالتــلى : الدور الرابـــع اوضــة 204 يا ....... ^ مفــيــش داعــى لذكــر الباقى ^

قولتلهـــا : مــا كان م الاول ....... كتكوا البلاوى

وطــلعـــت اجرى ع الاسانسير واذ فجأة الاقى شخــص غريب عجيب فريد م نوعه
كان راكب م ضمن ركاب الاسانسير
اول ما دخــلت الاسانسير لقيته بيبصلى م فوق لتحت ^ اظن كان مستحكرنى ^

قولتله: ف حاجه يا شخص

قــالى : اصلك تشبه سواق العربيه بتاعتى

قولتله : ليـــه < ومسكتله البيجامة الابيض ف اسود المقلمه بالطول بتاعتى >
هو دة لبس سواقين يا بهـــــــــف

قــالى : لا طبعا ... انا السواق بتاعى لو لبـــس كذة م تانى يوم اكرشة

قولــتــلة : طبعــا ... دة لبـــس بشوات

انا طبعــا مبعرفش اقــعــد ساكت ف الاسانسير .... لازم اســلى نفسى ف حاجه
لغيط ما نوصــل .. خصوصا ان المشوار كان طويل
فكنت شويه العب ف قفـــا اللى جمبى
وشويه اضرب الست اللى قدامى ع ايديها واقولها انا ميــــــــــن

فضــلت كــدة لغيـــط ما وصـــلـــنـــا الدور الرابـــع ولقـــيــــت النـــاس
ف شلوط واحد وصوت واحد بيحدفونى بره الاسانسير وبيقولولى اطلع بـــره يا معفن

لهــنـــا خلصت اول حــلقــه

استنواااا اللى جاى

وعمــتـــم مســاءا